Најавата на ВМРО-ДПМНЕ по којзнае кој пат дека нема да го поддржи пописот повторно го покажува нивното антидржавно, неодговорно и деструктивно однесување, спротивно на националните интереси. ВМРО-ДПМНЕ не сака да разбере дека пописот е статистичка, а не политичка операција, важен процес за да имаме целосни податоци кои се битни за креирање политики и натамошен рамномерен развој на сите сфери во државата – велат од СДСМ во писмената реакција на прес конференцијата на Стефан Андоновски, членот на Извршниот комитет на ВМРО-ДПМНЕ. Тој рече дека партијта нема да го признае пописот и оти ќе направи нов кога ќе дојде на власт.
„Пописот ќе биде спроведен согласно сите стандарди и прописи на ЕВРОСТАТ, целосно усогласено со меѓународните пракси. Со Предлог Законот за попис, имаме за цел, оваа статистичка операција повеќе никогаш да не се третира како политичко прашање кое ќе зависи од волјата на партиите и партиските лидери, туку како оперативно-статистичко. Наводна загриженост на ВМРО-ДПМНЕ не е ништо друго освен очаен обид оваа статистичка операција да се одложи и дополнително да се политизира. Сите европски и светски стандарди се задоволени“ – велат од СДСМ.