Медиумските курири на Никола Груевски се уште не им посакале пријатен прстој во Грција на министерот Никола Тодоров и градоначалникот Ивица Коневски од ВМРО-ДПМНЕ. После бројките медиумски хајки што ги водеа граѓаните прашуваат ќе им посака ли „Курир“ пријатен престој на плажите во Грција на Тодоров и Коневски, прашуваат од СДСМ.
„Молчат медиумските курири, платени со милионски суми, пари на граѓаните. Фатени се во тесно како лажат и манипулираат во заштита на Никола Груевски.
Уште еднаш се потврди дека лажниот патриотизам, медиумските хајки против претставниците на опозицијата и ширењето лаги се параван на криминалните активности на Никола Груевски и ништо повеќе.
Едно треба да биде јасно.
Ништо нема да го спаси Никола Груевски од одговорност.
Најмалку лагите и медиумските хајки што ги водат куририте против борците за демократија, невладините организации и граѓаните.
Правда ќе има, секој што го прекршил законот ќе одговара.
Нема спас за Никола Груевски и неговото криминално друштво“, велат од СДСМ.