Лидерот на СДСМ, Зоран Заев, вели дека името на партијата се уште не е сменето поради пречките кои ги предизвикала пандемијата.
„Откако почна пандемијата досега држевме само еден онлајн конгрес“, вели Заев.
Тој најавува дека на следниот конгрес на партијата, кој инаку ретко се свикува, тоа ќе се случи.
„Верувам дека во периодот пред нас ќе постапиме согласно Преспанскиот договор и во Социјалдемократскиот сојуз на Македонија“, рече Заев.
Се разгледуваат неколку опции како тоа ќе се изведе, партијата и понатаму ќе се нарекува СДСМ, меѓутоа зад буквите ќе се кријат други зборови.
Една од опциите за ново име на партијата била Социјадемократи од Северна Македонија.