„Евтина работа и манипулација на граѓаните е потегот на ВМРО-ДПМНЕ да стави потписи на Извештајот за 24 декември, а потоа за домашна употреба да се оградува од нив.
– Евро комесарот Штефан Филе прецизно соопшти дека го поздравува Извештајот усвоен со Консензус, поддржан од сите членови на Комисијата.
– Груевски се што има дополнително да каже во врска со ова прашање нека испрати во Брисел, наместо да си дозволува да коментира во нивно име.
– СДСМ го повикува премиерот Груевски наместо да ја занимава јавноста со несериозни реакции, да почне суштински да ги реализира обврските од прво мартовскиот договор.
– Последната порака од Брисел е дека последниот развој ќе биде земен предвид во Извештајот за прогресот на Македонија“, се вели во соопштението на СДСМ.