СДСМ Гевгелија: Кампања за безбедност во сообраќајот ја претворивте во кампања за промоција на ВМРО-ДПМНЕ

Од:

„Минатата недела посведочивме уште еден срамен и дрзок чин на ВМРО-ДПМНЕ. Избезумени од фактот дека ја губат власта, како давеник за сламка ДПМНЕвците не бираат начини да се промовираат со надеж дека тоа ќе им помогне да останат на власт бар малку подолго.

Во петокот 20-ти ноември, Унијата на жени на ВМРО-ДПМНЕ во Гевгелија посегна по злоупотреба на децата и младите за преку нив да врши агитација за свои политички цели. Имено, ДПМНЕ ја злоупотреби можноста да агитира преку државните институции и преку децата од основните училишта- тие злоупотребија една добронамерна кампања за безбедност во сообраќајот со тоа што кампањата за безбедност во сообраќајот ја претворија во кампања за промоција на ВМРО-ДПМНЕ“, велат од СДСМ Гевгелија.

„Овие флаери им беа поделени на децата од основните училишта и како што можете да забележите во долниот десен агол стои логото на ВМРО-ДПМНЕ.

Flaer1

СДСМ ја поддржува секоја кампања за безбедност во сообраќајот, особено поради фактот дека во Македонија секоја недела слушаме за најмалку еден смртен случај предизвикан од сообраќајна несреќа. Но, не е во ред партиската промоција да се обвитка во нешто што навидум изгледа на добронамерна кампања и така да се протне во рацете на децата. И не само што не е во ред, туку и законски е забрането политичките партии да ги злоупотребуваат државните институции и најмладите со цел да агитираат. Потсетуваме дека ова не е изолиран случај: ДПМНЕ минатата недела спроведе анкета врз децата и родителите во основните училишта во Општина Аеродром. Сево ова е спротивно на Законот за основно и средно образование кој строго забранува било какво политичко делување во училиштата и врз децата.

Flaer2

Апелираме до Просветниот инспекторат да ги испита овие случаи на злоупотреба на образовните институции и децата во политичка кампања.

Апелираме и до ДПМНЕ: Крајот на вашето владеење се приближува и тоа нема да го запрете со ништо, а најмалку со партизирање на децата. Оставете ги децата да бидат деца! Ним им доликува безгрижната детска игра, а не да бидат инструменти за ваша партиска промоција и агитација. Знаеме дека ја партизиравте секоја сфера од живеењето, но немојте да продолжите во насока на партизирање на децата од основните и средните училишта“, соопштуваат од СДСМ Гевгелија.

Би можело да ве интересира

(ВИДЕО) Каевски: Доста беа лаги од Мицкоски, да се извини и да ги поддржи државните позиции со Бугарија

Ана Ололовска

СДСМ: Доста беа лаги, Мицкоски и ВМРО-ДПМНЕ да им се извинат на граѓаните и да се променат

Ана Ололовска

СДСМ: Сите лаги на ВМРО-ДПМНЕ потонаа, толку ниско паднаа што немаат образ ниту да се извинат

А1он

СДСМ: ВМРО-ДПМНЕ одработува за странски интереси кои не ѝ мислат добро на државата

(ВИДЕО) Николова: Со новиот Закон за заштита на потрошувачите ги штитиме граѓаните и нивниот стандард

Ана Ололовска

СДСМ: Пратениците на ВМРО-ДПМНЕ да го преиспитаат однесувањето

Ана Ололовска

Leave a Comment

16 − 5 =