„ВМРО-ДПМНЕ продолжува со евтини конструкции и тоа по веќе видено сценарио. Ваквите евтини конструкции на режимските мегафони се најдобра потврда за стравот на власта од обединувањето на македонската опозиција.
– Прво, нивните режимски медиуми отвораат наводен скандал, а потоа портпаролот на ВМРО-ДПМНЕ дисциплинирано продолжува да манипулира.
– Срамота е, партијата која абер нема од кандидати, ни преку конкурс, ни преку некаков нов бран да пласира лаги дека опозицијата има проблем со кандидати“, стои во соопштението на СДСМ.
„Само да ги посетиме дека на цели шест месеци пред локалните избори, СДСМ веќе промовираше над 30 кандидати. Нема да бидеме зачудени ако манипулациите со кои се служи ВМРО-ДПМНЕ зачестат како што се наближуваат изборите.
– Воедно прашуваме, со кое право партијата позната по пазари и тендери зборува за некакво пазарење? Јавноста се уште очекува одговор од владејачката партија, дали лојалноста на своите функционери ја обезбедува со пишани меници“, прашуваат од СДСМ.