Наместо да каже дали е за ЕУ и НАТО раководството на ВМРО-ДПМНЕ останува посветено на амнестијата за Груевски, амнестија нема да има, велат од СДСМ како реакција на реакција на прес-конференцијата на Димитар Димовски од ВМРО ДПМНЕ.
„Нелогичните барања како она за избор на нов Јавен обвинител, како и поднесувањето неосновани кривични пријави, се уште еден јалов обид на Христијан Мицкоски и раководството на ВМРО ДПМНЕ да побараат амнестија за Никола Груевски. ВМРО-ДПМНЕ не знае да функционира во фер, слободни и демкратски услови и затоа постојано измислува непостоечки случаи дури и кога се знае дека првиот човек на ДИК е на предлог токму на ВМРО-ДПМНЕ“, веалт од СДСМ.
Како ВМРО-ДПМНЕ на криминален начин спроведуваше избори и ја газеше волјата на граѓаните, додаваат од таму, покажуваат судските рочишта на кои јавноста може да чуе како претходното раководство се заканува, уценува и малтретира граѓани само затоа што не гласале за оваа партија.
„Амнестија нема да има. Затоа, наместо да измислува непостоечки случаи Мицкоски треба да ги повика пратениците од ВМРО-ДПМНЕ да го поддржат последниот чекор во Собранието за членство на Македонија во ЕУ и НАТО и да ја следат војата на граѓаните. Во спротивно Мицкоски ќе потврди дека е против ЕУ и НАТО, за изолација, неизвесност и неказнивост“, велат од СДСМ.
