Савески: Да се повлече обвинението против Богоевски, а не против нас, посочува на двојни аршини

Од:

Откако Обвинителството се откажа од кривичниот прогон на сегашниот пратеник, тогашен учесник во шарената револуција, Павле Богоевски, неговиот соборец Мариглен Демири од Левицата вели дека очекува сличен третман од таму.

„Правилен и праведен потег на Обвинителството. Моето рочиште е закажано за 25 јануари оваа година. Исто така, закажано е рочиштето и за Здравко Савески. Очекувам сличен третман од Обвинителството“, пишува Демири на социјалните мрежи.

Сличен став има и Здравко Савески, кој вели дека немало основа за гонење, но во контекст на тоа додава дека кривичната против членовите на Левицата сè уште трае.

„Да се повлече обвинението против Павле Богоевски, а да не се повлече против нас, тоа посочува на двојни аршини. За тој што е во власта – еден аршин, а за тој што критикува – друг аршин. Ќе дочекам пресуда за помалку од 10 години или во мојот случај на тој начин ме казнуваат за критиките кон претходната и кон сегашната власт – со влечкање по судови што е можно подолго?“, пишува Савески на социјалните мрежи.

Судскиот процес за учесниците во шарената револуција трае веќе две години.

К. Л.

Би можело да ве интересира

Левица: Пливачите останаа на цедило – министерот Борко плива во тишина и безидејност

Катерина Ѓуровски

Мециновиќ: Љутков нема одговор за непочитувањето на Законот за македонски јазик

А1он

Делегациите на оваа власт сѐ повеќе наликуваат на свадбени патувања со државна логистика, Левица реагира на владината посета на Јапонија

122 години од смртта на Гоце Делчев – Левица оддаде почит на Великанот

Левица: ФК Вардар тоне додека власта го штити нивниот пулен Миленко Неделковски

Горан Наумовски

Левица нема да го поддржи законот за енергетика поради зголемената либерализација