Поранешниот обвинител во СЈО, Трајче Пеливанов и обвинителката Наташа Сарамандова стануваат виши обвинители, откако за нив гласаа мнозинство од членовите на Советот на јавни обвинители.
Пеливанов и Сарамандова беа помеѓу 16 кандидати кои беа јавени на огласот, а според членовите на Советот, сите пријавени заслужувале унапредување во Вишото обвинителство.
Пеливанов по СЈО, стана обвинител во Обвинителството за гонење на организиран криминал и корупција, а беше в.д. на обвинителството кога падна одлука Вилма Рускоска да биде суспендирана.
Сарамандова пак, беше обвинителка во предметот на поранешниот судија Владимир Панчевски за злоупотреба на АКМИС системот, а имаше неуспешен обид да стане дел од тимот на Обвинителството за гонење организиран криминал и корупција.
