САД со нова стратегија, МНР објаснува: Ќе не штитат од злобното влијание на Русија и Кина

Од:

Американскиот Стејт департмент ја објави Интегрираната стратегија за развој на односите со Македонија со која САД ќе ни помагаат да се одбраниме од „малигните влијанија од Русија и Кина“.

Иако веќе две години сме членка на НАТО и ги започнавме преговорите со ЕУ, според Стејт департментот евроатлантскиот курс на земјите од Западен Балкан вклучувајќи ја и Македонија го попречуваат Москва и Пекинг.

„Интегрираната стратегија на Мисијата во Скопје за Северна Македонија ќе ги поддржи интересите на САД во Западен Балкан преку промовирање мултиетничка, стабилна и демократска земја со карактеристики неопходни за да стане посилен сојузник на САД и модел за пример во регионот“, стои во стратегијата.

Министерството за надворешни работи е запознаено со стратегијата која е објавена на 27 јули и е јавно достапен документ на Стејт департментот кој објавува вакви документи и за други држави.

„Во овој документ се повторуваат ставовите на САД во поглед на односите со Република Северна Македонија, со проценка на состојбите во државата и потенцирање на реформските обврски во повеќе области кои нашата земја треба да ги спроведе. Впрочем, најголем дел од темите и областите кои се споменуваат во Стратегијата, беа разгледувани на првата сесија на Стратешкиот дијалог, одржан во Вашингтон, на 2 јуни 2022 година“, рекоа од МНР за „А1он“.

На прашањето на „А1он“ зошто е потребна стратегија на САД за намалување на кинеското и руското влијание во Македонија кога ние како земја сме стратешки определени кон ЕУ и имаме стратешко партнерство со САД од мај 2008 година, од МНР кусо рекоа:

„Нашата држава има сопствена стратегија за борба против сајбер-напади и ширење лажни вести, а помошта на САД е повеќе од добредојдена“.

САД сакаат да не оспособат да се спротивставиме на „злонамерното руско политичко влијание, како и на растечкиот економски притисок од Народна Република Кина“. Според САД, Русија и Кина ги искористуваат слабостите во институциите во Македонија истовремено поткопувајќи ја довербата во институциите.

САД сакаат да ни помогнат и во енергетскиот сектор за да станеме енергетски независни и да „не прибегнуваме кон алтернативни, недоверливи извори на енергија и инвестиции“.

Би можело да ве интересира

МНР го осуди нападот врз цивилите во Газа: Ова е кршење на меѓународното право

Орце Костов

МНР: Ниту едно ДКП нема инструкции да доставува ноти до земјите на акредитација

Горан Наумовски

МНР: Има доволно патни листови во дипломатско-конзуларните претставништва, издавањето е без надомест

Горан Наумовски

30 евра чини патниот лист за граѓаните со неважечки пасош кои треба да се вратат во Македонија

Орце Костов

Османи: Има паника кај граѓани во дијаспората дека после 12 февруари ќе ги загубат работните места и дозволите за престој

Орце Костов

Османи: Холандскиот амбасадор бара поддршка од ДУИ, најмногу зборуваме за борба против корупција