„Не знам што содржи законот и дали воопшто ќе треба нова квалификација. Беспотребно лицитираме, треба да го видам предлог-законот и до тогаш не можам ништо да кажам. Јас искрено, воопшто не размислувам за преквалификација и не се сомневам дека обвинението треба да биде ‘терористичко загрозување на уставниот поредок’“, рече обвинителката Вилма Рускоска по денешното рочиште за крвавиот четврток.
Рускоска исто така истакна дека наскоро ќе излезе со предистражна постапка за нарачателите на настаните од 27 април, но не сакаше да дава повеќе информации околу тоа.
На новинарско прашање дали се повикани на сослушување одредени лица кои беа споменувани во постапката, а не се обвинети, Рускоска рече дека не се повикани бидејќи смета оти тоа не е потребно.
Виктор Јованов
