Обвинителката Вилма Рускоска во завршниот збор за судењето за 27 април рече дека бара судот да ги огласи за виновни сите 17 обвинети за терористичко загрозување на уставниот поредок и безбедноста.
„Обвинителството докажа дека на 27 април 2017 е извршен организиран напад во Собранието“, рече Рускоска. Таа кажа дека нападот не бил класично учество во толпа или зовриени емоции, туку организиран и спроведен напад од оние кои седат во судница и од оние кои не се во судница поради амнестијата.
Обвинителката кажа дека обвинението не е политички прогон и не е резултат на политички реваншизам и дека кај сите граѓани, вклучително и кај неа, предизвикало чувство на страв и несигурност.
Васко Маглешов