РСБСП: „Стави појас!“ – За твоја безбедност!

Од:

Новинaри, спортисти, водители, артисти и останати јавни личности испраќаат порака „Стави појас!“, како дел од кампањата на Републичкиот совет за безбедност во сообраќајот (РСБСП) и Министерството за внатрешни работи за подигнување на свеста за поголема употреба на појасите од страна на возачите и патниците.

РСБСП информира дека минатата година, 125 лица го загубиле животот во сообраќајни незгоди, а околу 5.500 лице се повредени.

– Сообраќајните незгоди се случуваат тогаш кога најмалку очекувате. Секојдневно сме сведоци на голем број сообраќајни незгоди и се почесто доаѓаме до заклучок дека е речиси невозможно да помине едно деноноќие или еден викенд а да не се случи тешка сообраќајна незгода со повредени или загинати лица. Затоа, секогаш, кога ќе влезете во автомобил, првата работа што треба да ја направите, за да се заштитите самите себе, е да ставите појас, порачуваат од РСБСП.

Дел од пораките што ги пренесуваат познатите личности во кампањата се: „Стави појас! – Не вреди ризикот!“, „Секој живот е важен – Стави појас!“, „Стави појас и не глуми фраер!“, „Гушни ги децата дома, но врзете ги со појас во автомобил“.

Од РСБСП велат дека многу често кога ќе се случи сообраќајна незгода со фатални последици се поставува прашањето: „А користел ли појас?“. За жал, според нив, оваа прашање се поставува најчесто кога веќе е премногу доцна, па затоа велат дека оваа состојба мора да се промени и за таа цел ја реализираат кампањата „Стави појас!“.

Би можело да ве интересира

Возачите да бидат внимателни во близина на воспитно-образовните установи, апелира советот за безбедност во сообраќајот

МВР: Значително намален бројот на жртви во сообраќајот

ВИДЕО: МВР и РСБСП со кампања за зголемена безбедност во сообраќајот

Ана Ололовска

РСБСП: Промоција на прирачник за возачи почетници

Ана Ололовска

РСБСП: На матурска прослава без автомобил

Ана Ололовска

РСБСП: Лани во земјава во сообраќајки загинале 125 лица

Ана Ололовска