Oбвинителката Ленче Ристоска по завршување на денешната главна расправа, пред новинарите изјави дека доставиле дополнение на доказите. Очекува дека на следното рочиште конечно да заврши расправата. Ристоска на новинарско прашање одговори дека барале да ги дознаат мотивите зошто една од обвинетите пред СЈО како сведок во предистражната постапка дала еден исказ и друг пред судот. Исказите на сведоците се на линија на обвинението, рече Ристоска.
„Беше оспорена надлежноста на ова обвинителство, дека овој предмет треба да го работи редовното јавно обвинителство. За да докажеме дека е уништена документација која што поврзна со системите за следење на комуникациите, прелдоживме да бидат изведени како доказ токму договорите за набавка на тие системи, кои што оригинали се наоѓаат во предметот „Таргет Тврдина“, рече Ристоска. Отсуството на сведокот Никола Бошковски, според обвинителката нема да менува многу во постапката, бидејќи од денешните сведочења на останатите сведоци се потврдува дека тој сведок бил присутен при уништувањето на документацијата на УБК.