Во годишниот извештај на Репортери без граници, Македонија, по слободата на медиумите, се најде на 117 место од 180 земји во светот.
Во минатата година Македонија беше на 123 место, што според најновиот индекс на слободата на медиумите, е за 6 места подобро.
Во образложението се наведува дека ситуацијата со македонските медиуми во минатата година продолжила да биде лоша. Годината била обележана и со злоупотреба на законодавството за клевета, како и со политички мотивирана распределба на државните рекламирања.
Во новиот извештај се споменува затворската казна на новинарот Томислав Кежаровски, а се наведува и дека во јуни полицијата принудила неколкумина новинари да ги избришат фотографиите и видеата од протестот што го следеле.
