Река: Не може да се чека уште 20 годинини за Албанец да биде претседател на државата

Од:

Кандидатот за претседател Блерим Река вечерва на конвенција во Дебар нагласи дека е време и Албанците да имаат претседател на државата. Тој во присуство на лидерите на Алијанса на Албанците и БЕСА, Зијадин Села и Билал Касами, истакна дека има пет клучни приоритети за развој на државата, а 21 април е плебисцит за Албанците во Република Северна Македонија.

– Ние говоревме само за мултиетничко општество, а треба да говориме за мултиетничка држава. Тоа треба да се случи на 21 април, тоа е прв приоритет. Албанците не можат да бидат само аморфна маса и да се статистичка нација. Тоа е неприфатливо така што е голем приоритет да се надмине овој проблем, потенцира Река.

Мој приоритет, посочи, е и НАТО.

– Македонија веќе е сигурно дека ќе стане членка на Алијансата. Некој се обидува да ме прикаже како политичар кој сака да спречи влез во НАТО, тоа не е вистина. Треба да се поздрави Преспанскиот договор, бидејќи и јас се залагам да има нула проблеми со соседите. Многу е добар договорот со Бугарија, а треба да се решат проблемите со Србија. Македонија никогаш немала проблеми со Албанија и Косово. Албанците надвор и внатре се за стабилна Македонија и регион, јас тоа само ќе го продлабочам. Треба да се надмине проблемот на исчекување за уште 20 години за Албанец да биде претседател на државата, рече Река.

Претседателот на Алијансата на Албанците Села, пред дебарчани истакна дека македонските партии било тоа да е СДСМ или ВМРО-ДПМНЕ, постојано се помагани од сервилни кои се во владите од 2002 година.

– Тие во владата се од условени интереси, а на Албанците сега им требаат чисти Албанци. Албанците овој пат одлучија да гласаат за Албанец претседател на државата кој е комплетна личност и заслужува да биде претседател на Република Северна Македонија. Доста беше давање на поддршка на оние кои се во политиката од големи интереси за себе и при тоа се дел од услугите за УДБА, а во политика се за да избегнат проблеми со законот. Веруваме дека на 21 април конечно Албанците ќе гласаат за Албанец, посочи Села.

Лидерот на БЕСА Касами истакна дека конечно Албанците имаат свој кандидат за претседател.

– Тој е независен и ги соедини партиите од албанската опозиција. Очекуваме сите Албанци да гласаат на 21 април за Река кој е најдобар кандидат. Едниот кандидат дури не ги побара гласовите на Албанците, а другиот, пак, не проговори албански, а ги сака гласовите, рече Касами.

На Конвенцијата како Река така и Села и Касами најавија сигурна победа за градоначалник на општина Дебар на д-р Арбен Аголи, кој е од редот на Алијансата на Албанците.

– Аголи е најдобро решение за градоначалник, порача Села.

Би можело да ве интересира

Предвремените парламентарни избори ќе ја чинат Австрија и општините околу 20 милиони евра

„Газета експрес“: Вонредните избори во Косово на 29 септември

Татјана Ташкова

На 13 октомври ќе се одржат парламентарни избори во Полска

Доколку не се исполнат барањата до средина на септември српската опозиција ќе ги бојкотира изборите

Светскиот македонски конгрес бара распуштање на Собранието и предвремени избори

Зеленски смета дека новиот премиер на Украина треба да биде економист без политичко минато

Татјана Ташкова