Реакција на Советот за етика во медиумите за прислушувањето новинари

Од:

Советот за етика во медиумите на Македонија изразува сериозна загриженост по сознанието за прислушувањето новинари, сметајќи дека со тоа се нанесува голема штета и последици врз работата и угледот на новинарите и врз работењето на медиумите воопшто.

Прислушувањето на новинарите, стои во соопштението од Советот за етика во медиумите, сериозно ја прекршува слободата во изразувањето и во такви услови не може да стане збор за етика во информирањето на јавноста. Ова, се подвлекува, е целосно недозволиво во едно слободно и демократско општество.

– Новинарите имаат право да добиваат и објавуваат информации, а истовремено да изнесуваат критички ставови. Тие имаат право на свое мислење и убедување, како и на негово искажување преку средствата за јавно информирање. Во својата работа новинарите не смеат да бидат изложени на притисоци и да бидат принудени да дејствуваат спротивно на своите размислувања или убедувања, се вели во соопштението.

Советот смета дека новинарството како професија има голема улога во заштитата на демократските вредности, а во работата на новинарите е неопходно да се создадат сите услови за информирање на јавноста на чесен, непристрасен и сеопфатен начин.

Би можело да ве интересира

Во Италија државата прислушувала новинари кои ја истражувале миграцијата

Жарко Настоски

Српската полиција собрала докази дека Вучиќ бил нелегално прислушуван

Жарко Настоски

(ВИДЕО) Ел Чека: Имаме план доколку ми се случи нешто, има други луѓе кои ќе ги објават „бомбите“

Ана Ололовска

Ангеловски: Незаконско прислушување нема, во моментов се следат комуникациите од 188 броеви

Ана Ололовска

Се проверува дали имало прислушање и во Обвинителството за организиран криминал и корупција

Ана Ололовска

„Сите албански“ – во УБК прислушувањето било поделено по етнички групи

Leave a Comment

three × 1 =