Здружението на агроекономистите на Република Македонија (ЗАЕМ) во соработка со Факултетот за земјоделски науки и храна-Скопје, УКИМ во Скопје и Истражувачкиот центар за јавни политики од Белград, воспоставија Мрежа на истражувачи од областа на руралниот развој од регионот на ЈИЕ чиј прв собир ќе се одржи денеска во Скопје во рамки на Форумот за рурален развој.
На собирот предвидено е учество на претставници на научно-истражувачки институции од сите земји во регионот и гости предавачи од реномирани европски универзитети.
Формирањето на оваа мрежа е поддржано од страна на Регионалната програма за поддршка на истражувањата во Западен Балкан управувана од Универзитетот Фрибург, со мандат даден од Швајцарската агенција за развој и соработка, SDC.