Прв македонско-бугарски ветеринарно-медицински конгрес

Од:

Во организација на Ветеринарната комора на Република Северна Македонија и Бугарскиот ветеринарен сојуз, денеска и утре во Струмица ќе се одржи првиот меѓународен македонско-бугарски ветеринарно-медицински конгрес.

Конгресот се организира по потпишувањето Меморандум за соработка меѓу коморите на двете земји во 2018 година и е прв собир во коорганизација на две ветеринарни комори во поширокиот регион. Целта е размена на сознанија и искуства меѓу докторите по ветеринарна медицина од двете држави, размена на најновите научни и стручни достигнувања за справување со болести кај животните кои имаат влијание на здравјето кај луѓето или предизвикуваат огромни економски штети во сточарството, утврдување стратегии за спроведување епидемиолошки мерки, осигурување здравствено безбедна храна за луѓето, благосостојба на животните, заштита на природната средина и промовирање на ветеринарно-здравствената професија и нејзиното општествено значење како национално и меѓународно јавно добро.

За конгресот, кој се очекува да го отвори министерот за земјоделство Љупчо Николовски, се пријавени над 130 учесници од Бугарија. Ќе присуствуваат и еминентни професори од нашата земја со свои излагања, директорот на Платежната аенција, Никола Бабовски, како и претставници на Агенцијата за храна и ветеринарство.

Во работата на конгресот ќе учествуваат и директорот на Бугарската агенција за безбедност на храната, д-р Дамјан Илиев, кој воедно е и еден од предавачите, како и деканот на Факултетот за ветеринарна медицина при Софискиот универзитет, проф. д-р Богдан Аминков.

Би можело да ве интересира

(ВИДЕО) Трипуновски: Заев и Николовски Агенцијата за храна и ветеринарство ја претвораат во партиско дувло

Ана Ололовска

Приштина и Скопје бараат решение за трговскиот спор, засега остануваат забраните за извоз

Ана Ололовска

Бектеши и Шаља ќе бараат решение за косовската забрана за увоз на компири и мед

Ана Ололовска

Пријавен еден случај со отстрелана дива свиња, нема угинати свињи при извршениот пасивен мониторинг

Ана Ололовска

Македонските власти ќе бараат од Косово објаснување за забраната за увоз на компир и мед

Ана Ололовска

АХВ: ВМРО-ДПМНЕ како шпанска серија, без крај ја дезинформира јавноста за антраксот

А1он