Февруарското издание на „Прв до врв“ што ќе се одржи денеска, тематски е посветено на виното и празникот Св.Трифун и ќе се состои од групно качување со планинарење и велосипедизам на Водно, како и заедничко дружење на групата на врвот на планината.
Месечните настани „Прв до врв“ немаат натпреварувачки карактер и се организираат со цел што повеќе граѓани да учествуваат во заеднички и масовен тренинг и рекреација во искачување на Водно.
Настанот е во организација на Здружението за спорт и рекреација „Прв до врв“.
Сите заинтересирани можат да се информираат и пријават на веб страницата www.prvdovrv.mk. Стартот е во 9 часот наутро пред ОУ „Кочо Рацин“, а околу 11 часот е предвиден делот за дружење и традиционално одбележување на празникот со македонско вино.