ВМРО-ДПМНЕ со едно кревање на рака по втор пат го уби „Стив Наумов“. Вака голем број припадници на опозициската СДСМ но и граѓани денеска коментираа на протестот на мостот кај Холидеј Ин, токму на улицата Стив Наумов. Истата со одлука на градското собрание сега се вика „ Тодор Александров“.
Насобраните упатија порака дека е срамно да се избрише едно од најголемите имиња на државата врз чии коски почива самостојна Македонија. На прашањето дали ќе се вратат советниците од опозицијата во градското собрание рекоа се додека постои игнорантскиот однос на власта не се враќаат назад. Тие порачаа граѓаните да не ги менуваат личните документи зашто по неколку месеци кога ќе ја преземат власта во Скопје ќе ги вратат сите исти имиња на улиците.