Пропаднаа преговорите на власта и опозицијата, нема договор за законот за ЈО

Од:

По повеќе од 7 часа, доцна во ноќта пропаднаа преговорите на власта и опозицијата, а со тоа и договорот за закон за јавно обинителство со кој ќе се овозможи продолжување на работата на СЈО како и статусот на специјалните обвинители.

Како што се дознава, на маса била понудата за две обвинителства, од кои едното ќе биде ново и ќе гони висока корупција сторена од сите функционери. Предлогот бил шефот на ова обвинителство да го предлага опозицијата но тоа било одбиено од ВМРО-ДПМНЕ. За нив не било прифатливо ова ново обинителство да ги гони корумпираните функционери во иднина, односно само по неговото формирање.

-Нивната единствена цел беше уништување на сите предмети од СЈО до 30 јуни, а тоа сакаа да го постигнат преку тоа што нивни обвинител би ги преземал сите предметите за да подоцна ги затвори и уништи. А, предметите после 30 јуни бараа да се затвореле со закон, брифираат од преговарачкиот тим на власта.

Пратеникот на ВМРО-ДПМНЕ, Антонијо Милошоски на својот фејсбук профил напиша дека договор можеби ќе се постигнел доколку премиерот Заев прифател решение за висока корупција во кое друг професионален обвинител, освен Вилма Русковска, би имал увид во предметот „Рекет“.

Според Милошоски тоа остава сомнеж дека хиерархијата на соучесници и организатори во „Рекет“, како што пишува тој, е многу повисоко во власта.

По неуспешната и долга средба од преговарачкиот тим на власта брифираа дека со преземање на предметите од страна на ЈО целосно е обезбедена иднината на сите предмети на СЈО со цел тие да имаат своја разрешница во системот на јавното обвинителство и судството. Сите предмети, сите истраги и предистраги продолжуваат во целосна независна надлежност на државното јавно обвинителство, брифираа од преговарачкиот тим на власта.

Според нив, шефот на јавното обвинителство ќе одреди, согласно законските овластувања кој јавен обвинител ќе го продолжи секој од предметите. Со ова велат, судбината на случаите ќе се решава во јавното обвинителство и во судството, а не на преговарачка маса меѓу политичките партии.

Би можело да ве интересира

Врховниот суд ќе расправа за првите пресуди на СЈО

Ана Ололовска

Одговореност и соработка за законот за ЈО бара Владата, партиите со непроменети ставови

Ана Ололовска

(ВИДЕО) Мицкоски: Најголем проблем е замрзнатиот партиски имот, предложениот закон ги штити криминалите на СДСМ

Предраг Петровиќ

Неизвесен законот за ЈО пред распуштање на Парламентот, СДСМ подготвен за разговор, ВМРО анализира

Предраг Петровиќ

Можна лидерска средба Заев – Мицкоски

А1он

(ВИДЕО) Заев: Преку солидарно донирање да им помогнеме на бездомните семејства што се сместени во згрижувачкиот капацитет во Визбегово

Предраг Петровиќ