Пролонгирано заминувањето во затвор на Сеад Кочан, додека не се одлучи по неговото барање

Од:

Додека нема одлука од судија за извршување санкции по барањето на Сеад Кочан за одложување на издржувањето на затворската казна од четири години и осум месеци за предметот „Труст“ на СЈО, согласно Законот за извршување санкции се пролонгира неговото заминување во затвор.

Бизнисменот Кочан според упатниот акт денеска требаше да се јави на издржување на затворската казна, откако Кривичниот совет во понеделникот ја потврди одлуката на судијата од Кривичниот суд да се одбие барањето на Сеад Кочан за одложување на издржувањето на затворската казна.

Во меѓувреме Кочан поднел друго барање за одложување на издржување на казната поради болест за што Кривичниот суд се уште нема одлука.

Затворската казна која треба да ја одлежи бизнисменот е поради манипулации за добивање тендер од ЕЛЕМ од 17 милиони евра со прикажување лажна документација. Кочан, кој е единствениот од овој предмет кој треба да одлежи затворска казна првично доби шест години казна затвор, но Апелацискиот суд му ја намали казната на четири години и осум месеци.

Би можело да ве интересира

Алфите го однесоа Кочан во Идризово

Васко Маглешов

Кочан e во болница, бара ново одлагање на казната

Васко Маглешов

Истекоа сите рокови, Сеад Кочан повторно не се појави во Идризово

Васко Маглешов

Сеад Кочан иако требаше, се уште не се пријавил во Идризово

Виктор Јованов

Кочан мора веднаш во затвор, не успеа да ја одложи казната

Виктор Јованов

Одбиено барањето на Кочан за одложување на затворската казна

Ана Ололовска