Кочан може да излезе од затвор две години порано, ако Пендаровски реши да му скрати половина од казната

Од:

Бизнисменот Сеад Кочан е на листата со затвореници кои бараат помилување од претседателот Стево Пендаровски. Списокот е доставен до Министерството за правда, од каде, потоа треба да се процесира до Кабинетот на шефот на државата. За тоа, дали исполнува критериуми да биде помилуван, треба да одлучи првиот човек на правда, Бојан Маричиќ. Според неофицијални информации, таква одлука не е донесена, ниту мислењето е доставено до Пендаровски.

Доколку бизнисменот Кочан биде помеѓу затворениците кои исполнуваат услови, тогаш може да се даде мислење да му се скрати затворската казна од 4,8 години. Тој досега има одлежано две години и четири месеци. Тоа значи дека нему му останува уште половина казна. За неговото помилување, одлучува претседателот Пендаровски. Доколку го прифати барањето и скрати половина од казната на Кочан, тоа значи дека тој може веќе во јануари да излезе од затвор.

Управителот на компанијата „Трансмет“, Сеад Кочан, беше осуден бидејќи со лажни документи учествувал и добил тендери за ископ на јаглен и јаловина во РЕК „Битола“ на АД ЕЛЕМ вреден 17 милиони евра. Во истиот предмет, условно осуден од Апелациониот суд беше Василије Авировиќ, син на експратеничката Владанка Авировиќ, иако Кривичниот суд му одреди три години затворска казна.

Судијката Лидија Трајковска-Зимбовска го ослободи од обивинение третообвинетиот Сафет Ветиќ затоа што делото за кое се гони не е кривично дело.

Би можело да ве интересира

Министерството за правда одлучи оваа година да не предложи листа за новогодишни помилувања

А1он

„Идризово“ бара казната на Сеад Кочан да се намали за шест месеци, Маричиќ размислува пред да го прати предлогот до Пендаровски

Кристијан Ландов

Врховен му ја потврди 4,8-годишната казна на Сеад Кочан за „Труст“

Кристијан Ландов

Алфите го однесоа Кочан во Идризово

Васко Маглешов

Кочан e во болница, бара ново одлагање на казната

Васко Маглешов

Истекоа сите рокови, Сеад Кочан повторно не се појави во Идризово

Васко Маглешов