Центарот за јавно здравје Тетово – епидемиолошка служба Гостивар попладнево прогласи епидемија во Гостивар.
– Поради зголемен број заболени, надминување на лимитот на неделно ниво пријавуваме епидемија на подрачје на Гостивар. Редовно ја следиме состојбата, анкетираме заболени пациенти, се преземаат мерки, информираа од службата.
Состојбата и натаму се следи на дневно ниво, а бројот на заболени со стомачна инфекција покажува раст. Во последните 24 часа во гостиварската болница биле прегледани околу 200 пациенти на Инфективното одделение и околу 110 деца на Педијатрија, најголемиот дел со симптоми на дијареа, повраќање и дехидрација. Во Итна помош се јавиле 290 лица.