Претседателот Стево Пендаровски предложи да се воведе забрана за влез во земјата на еден европратеник од Бугарија и уште неколку бугарски политичари поради дејствијата што ги преземаат против Скопје, а поводот е прославата на Гоце Делчев на 4 февруари во Скопје.
Повикувањето на амбасадорот на консултации поради предлогот на Пендаровски е чекор пред да биде отповикан и тоа за професорот Николај Овчаров е добар дипломатски потег и предупредување за влошените односи помеѓу Скопје и Софија.
– Неговиот престој во нашата земја може да се сфати како своевидно повлекување од Македонија. Тоа е добар потег. Откако беше прифатен францускиот предлог, кај нашиот западен сосед има само провокации – рече професорот Николај Овчаров од Националниот круг „За Македонија“ во емисијата „Бугарија во етер“.
Според него, половина година по потпишувањето на францускиот предлог, не се преземени вистински дејствија во однос на клаузулите од него, вклучително и вклучувањето на Бугарите во Уставот и измените во учебниците.
Тој ја повика политичката елита во Бугарија да биде поцврста во своите позиции кон провокациите на Македонија.
„Списокот за забрана што го предложи Пендаровски ќе ги влоши односите меѓу нашите земји. Колку што разбрав, македонската влада ја отфрли идејата. Нема смисла да правиме сличен список“, нагласи тој.
Професорот Овчаров е на мислење дека самата Македонија го одложуваат нивното прифаќање во Европската Унија, бидејќи не направиле ниту еден чекор во оваа насока.
„Песимист сум дека бугарско-македонските односи имаат иднина. Омразата кон Бугарија е вкоренета веќе неколку генерации. Очекувам провокации за време на прославата на Гоце Делчев во февруари“, категоричен беше Овчаров.