Триесетгодишно лице од Скопје со иницијали Х.И. е приведено и против него ќе биде поднесена кривична пријава за две кривични дела.
Полицијата соопшти дека првото дело се однесува на кражба што осомничениот ја извршил лани кога физички нападнал малолетник за да му го зеде телефонот. Втората кражба била извршена во спорска обложувалница во Скопје од каде одземал пари.
Х.И. бил приведен во Полициската станица Бит Пазар и во присуство на надлежен јавен обвинител од страна на оштетените било извршено препознавање.