Поранешниот припадник на ОВК и сопственик на косовската новинска агенција „КосоваПрес“, Фадиљ Пушкољи, бил приведен синоќа на граничниот премин „Блаце“, по што по полицискиот распит бил пуштен на слобода.
Танјуг првично објави дека Пушкољи бил уапсен врз основа на потерница издадена од Србија, додека косовскиот портал „Коха“ објави дека бил приведен при преминување од Косово во Македонија.
Пушкољи самиот информираше за случајот преку објава на Фејсбук, а подоцна објави дека е ослободен по разговорот и распитот во полиција.
„По разговорот и испрашувањето, бев ослободен од полицијата на Северна Македонија. Сакам да ѝ се заблагодарам на полицијата на Северна Македонија, особено на полицајците Албанци, за коректноста, почитта и доброто однесување во текот на целата постапка“, напиша Пушкољи.