31-годишниот М.А. од гостиварско село, кој се сомничи дека изминатите два месеца, во повеќе наврати, од куќата на својот татко одзел златен накит вреден 50 до 60 илјади евра, денеска е лишен од слобода.
Како што соопшти МВР, приведен е од полициски службеници на СВР Тетово околу 16 часот.
Златото било сопственост на неговата сестра, а М.А. го продавал на други лица. Кражбата денеска во 15 часот ја пријавил таткото.
По документирање на случајот ќе следува соодветна пријава.