Полициски службеници од Полициската станица Кочани вчера од слобода го лишиле 32-годишниот Е.М. од Кочани затоа што околу 15.20 часот во домот на 47-годишна жена нa улицата „Поп Арсов Блаже“ во Кочани со употреба на физичка сила и одзел мобилен телефон и платежна картичка, информира МВР.
Полициски службеници, врз основа на судска наредба, извршиле претрес во домот на Е.М., при што биле пронајдени и одземени украдените предмети, соопшти МВР.
По целосно документирање на случајот против Е.М. ќе биде поднесена соодветна пријава.