Во неделата вечер, во 23 часот, полициски службеници од Полициската станица Бит Пазар го лишиле од слобода 48-годишниот Џ.Д. од Скопје, информира МВР.
Тој се сомничи дека дека околу 21.00 часот со употреба на сила влегол во подрумска просторија на улицата „Емин Дураку“, сопственост на 29-годишниот А.Џ. од Скопје и одзел повеќе предмети. Тој бил приведен во полициска станица и со него бил извршен службен разговор, соопшти МВР.
Одземените предмети биле пронајдени и вратени на сопственикот, а по целосно документирање на случајот ќе биде поднесена пријава по член 236 од Кривичниот законик.