На 4 декември во СВР Скопје бил приведен во полициска станица 38-годишниот В.А. од Скопје, поради сомнение дека истиот ден извршил кривично дело „тешка кражба“ од патничко возило на улицата „Христо Татарчев“, соопшти Министерството за внатрешни работи.
По преземени мерки и активности и извршен разговор, како што се посочува, В.А. го појаснил стореното кривично дело и кај него се пронајдени украдените предмети, по што се вратени на сопственикот.
По комплетно документирање на случајот против него ќе биде поднесена кривична пријава, поради основано сомнение за сторено кривично дело „тешка кражба“ од патничко возило, предвидено и казниво по член 236 од Кривичниот законик, стои во соопштението.