Да реши проблемот со заостаниот долг што кон нив го има ЈСП, да се догворат со Градот и да се вратат во јавниот превоз. Ова се барањата на приватните превозници кои денеска протестираа пред седиштето на ЈСП барајќи средба со директорот. Со не го не се видоа, но се надеваат дека ќе бидат повикани на средба.
Бараат помош и од Владата за да има договор со градоначалничката Данела Арсовска околу долгувањата. Ако не им се излезе в пресрет повторно ќе излезат на блокади.
Приватните превозници од крајот на минатата година немаат договори со Градот Скопје и со ЈСП, не се дел од јавниот превоз и се во конфликт со градоначалничката околу дологот за кој тие тврдат дека е околу 1,5 милони евра. Арсовска неколку пати ги упати да ги бараат парите кои тврдат дека им се должат преку суд.
Приватните превозници не се пријавија на двата повици од Градот Скопје за покривање на дела од автобуските линии.