Единицата за недозволена трговија при СВР Скопје, до надлежното Основно Јавно обвинителство-Скопје поднесе кривична пријава против А.З. (41) од Скопје, осомничен дека сторил кривичното дело „неовластено производство и пуштање во промет наркотични дроги, психотропни супстанци и прекурзори“.
При реализацијата на случајот пронајдени се и одземени вкупно 4,998 килограми марихуана. Од страна на истражен судија на пријавениот му е одредена мерка притвор во траење од 15 дена.
МВР денеска соопшти дека вчера заради расчистување на кривични дела од областа на имотните деликти, како и обезбедување материјални докази од страна на СВР Скопје – Одделението за имотни деликти од страна на припадници на Единицата за недозволена трговија со дрога и оружје и ЕБК „Алфа“ извршен е претрес во домот на А.З. во Скопје.
При претресот пронајдена е патна торба со 5 пакувања облепени со селотејп лента со тежина од речиси пет килограми и една најлон кесичка со 8,36 грама марихуана по што А.З. е приведен во службените простории на СВР Скопје ККИ -ЕНТДО.
Во извршениот разговор А.З. појаснил дека пред неколку дена торбата со марихуана му ја донесол негов другар за да му ја причува.
Пријавениот, инаку минува во евиденциите на МВР како сторител на кривични дела од областа на имотните деликти.