Граѓаните од Ѓорче Петров кои имаа штети од невремето кое ја зафати општината ќе можат да поднесуваат пријави и за време на викендот од 08 до 20 часот во просториите на општината во главната зграда.
Како што стои во соопштението, подготвени се формулари (изјави) и истите можат да се добијат и пополнат на лице место. За време на викендот ќе работат и трите комисии, формирани за утврдување на штетите направени од невремето кое го зафати општината на 9 јули.
Комисиите за утврдување на штети ќе излегуваат на терен согласно поднесените пријави од граѓаните.