Во рамки на спроведувањето на Итните реформски приоритети од Извештајот со препораки од 2015 година, експертски тим, предводен од Рајнхард Прибе, вчера имаше средба со директорт и членовите на Советот на Агенцијата за аудио и аудиовизуелни медиумски услуги (ААВМУ), информира денеска ААВМУ.
На средбата, според соопштението, се разговарало за начинот на функционирање на регулаторното тело по стапувањето во сила на законите за аудио и аудиовизуелни медиумски услуги за медиуми, политичката и финансиската независност на Агенцијата, нејзината транспарентност, како и слабостите во медиумската сфера и потребата за нивно надминување, особено во поглед на санкционирањето на говорот на омраза, почитувањето на професионалните стандарди и обезбедување услови за непречено вршење на работата на новинарите.