Јавната здравствена установа Центар за јавно здравје-Битола денеска врши систематска дератизација во општините Новаци и Могила.
Од ЈЗУ Центар за јавно здравје-Битола информираат дека дератизацијата се врши на подземниот каналски систем на објекти од посебен јавен интерес.
– Во општина Новаци со дератизацијата ќе бидат опфатени детските градинки, воспитно-образовните институции, здравствени установи, како и објектите на локалната самоуправа, полициската станица и локалната пошта, посочуваат од ЈЗУ Центар за јавно здравје-Битола.
Првата фаза од превентивната систематска дератизација ќе се врши и во општина Могила каде отровни мамци за уништување на глодари-глувци ќе се врши на каналската мрежа кај училиштата „Гоце Делчев“ во Могила и „Браќа Миладиновци“ во Добрушево, амбулантата во Могила, како и кај други објекти од јавен интерс во таа локална самоуправа.