Битолски полицајци вчера во Могила го уапсиле 77-годишниот жител на селото С.Е., кој претходно со пиштол им се заканувал на повеќе соселани, информираат од полицијата.
„На 11.04.2021 во с.Могила, полициски службеници од Полициската станица Битола го лишиле од слобода С.Е.(77) од Могила, затоа што со пиштол се заканувал на неколку лица од селото,“ се вели во полициското соопштение.
По целосно документирање на случајот, против него ќе биде поднесена пријава по член 133 од Кривичниот законик, додаваат од МВР.