Центарот за јавно здравје-Битола почна превентивна систематска дератизација на подрачјето на Општина Могила. Акцијата се одвива согласно Законот за заштита на населението од заразни болести, а врз основа на одлуката на Советот на општината како општа против епидемиска мерка.
Од Центарот за јавно здравје соопштуваат дека екипите ќе спроведуваат активности на терен, односно ќе поставуваат отровни мамци за уништување на глодари во канализационите шахти.
-Дератизацијата се врши на подземниот канализациски систем на Општина Могила каде има 90 шахти, и канализацискиот систем на објекти од посебен јавен интерес, односно воспитно-образовни институции, здравствени установи и други објекти на подрачјето на Општина Могила каде има 30 шахти, посочуваат од Центарот.
Екипите и активностите на теренот се обележани и заштитени со знаци за предупредување.
