Полициски претреси се спроведуваат на повеќе од десет локации во Скопје, Тетово и Куманово во рамки на истрага за сомнежи за финансиски злоупотреби поврзани со Фондот за здравствено осигурување (ФЗО) и приватна здравствена установа.
Првопријавен во случајот е поранешниот директор на ФЗО, Ден Дончев. Со истрагата се опфатени и други поранешни функционери во Фондот, меѓу кои поранешни директори, раководни лица и поранешен претседател на Управниот одбор. Според информациите, меѓу осомничените е и сопственикот на приватната болница.
Надлежните испитуваат сомнежи за злоупотреба на службената положба и овластување, несовесно работење во службата, измама и перење пари.