Судскиот процес за аферата со инвалидските пензии наречена Метастаза заврши, а пресудата ќе биде објавена на 22 октомври.
Судскиот процес траеше две години, а поради отсуство на обвинетите беше одлагано неколку пати. Лекари и службеници од Фондот за пензиско и инвалидско осигурување како и посредниците кои наоѓале потенцијални пензионери обвинети се дека биле дел злосторничка група и ја злоупотребиле својата функција.
Во обвинението кое е напишано на 260 страници пишува дека обвинетите издавале лажни медицински документации и дијагнози. Обвинетите и нивните адвокати пак тврдеа дека обвинението е конструирано неосновано и недокажано, а сведоците лажеле кога тврделе дека давале мито за да земат инвалидска пензија.