Прекршочни пријави за две лица за настаните пред Собранието

Од:

Министерството за внатрешни работи започна со расчистување и целосно документирање на агресивното и недолично однесување при насилното пробивање на полицискиот кордон и обидот да се изврши упад во зградата на Собранието на Република Македонија или да се предизвика инцидент со побројната група граѓани организирани во „Фронт за Македонија“.

МВР денеска соопшти дека во моментот кога групата почна да ги урива безбедносните огради и да ги турка и гази полициските службеници, загрозувајќи ја нивната безбедност, единаесет припадници на полицијата се здобија со повреди од различен карактер.

Врз основа на снимките од полициските камери и видеоматеријалите од насилното пробивање на кордонот обезбедени од медиумите, досега се идентификувани три лица и тоа: Н.М.(1989) од Скопје, В.Н.(1965) од Звегор-Делчево и А.Ќ.(1979) од Гевгелија.

Во соопштението се подвлекува дека денеска е пријавен и инцидентот во кој физички беше нападнат повозрасен граѓанин од страна на лице присутно на синоќешниот протест во центарот на Скопје.

„Ниту еден од организаторите до овој момент на полицијата не и го посочи идентитетот на насилникот, но врз основа на емитуваните материјали ќе бидат утврдени неговите генералии по што ќе следува кривична пријава поради основано сомнение за сторено кривично дело „насилство“ по член 386 од Кривичниот Закон на Република Македонија“, стои во соопштението.

МВР во соработка со медиумите и надлежните институции ќе продолжи да работи на идентификување на сите учесници во насилните инциденти и по документирањето на случаите, против сите инволвирани ќе следуваат соодветни пријави.

Би можело да ве интересира

МВР: Уапсени се две лица, одземено е товарно возило, запленета е стоката

Илјадници демонстранти се собраа во Тел Авив барајќи крај на војната во Газа

МВР: На социјалните мрежи се појавија лажни објави за телефони, апелираме да не кликнувате на такви објави

За 48 часа МВР „подели“ 1.293 казни на возачи и пешаци

(ВИДЕО) Зеленски потпиша контроверзен закон, започнаа најголемите протести од почетокот на војната

Во акција на МВР и АНБ: Запленето електронски докази, оружје и куршуми