Преговорите со Скопје и Тирана на дневен ред на Советот на ЕУ денеска

Од:

Во Брисел денеска се одржува редовниот Совет за општи работи на ЕУ, една од точките на дневен ред е проширувањето, посебно преговорите со Северна Македонија и Албанија, јави дописничката на МИА од Брисел.

Гашпер Довжан, словенечкиот државен секретар за европски прашања и претседавач на денешниот состанок ја повтори поддршката на Словенија за што побрзо одржување на првата меѓувладина конференција со С.Македонија и Албанија.

Слична порака упати и германскиот државен секретар, Михаил Рот.

– Време е конечно да започнат пристапните преговори помеѓу ЕУ и Северна Македонија и Албанија, изјави Рот и побара билатералниот спор меѓу Скопје и Софија да биде решен на билатерално ниво, рече тој.

Хрватската државна секретарка, Андреја Метелко истакна дека за Хрватска проширувањето на ЕУ кон Западниот Балкан е висок приоритет.

– Ќе имаме важна дискусија за проширувањето. Хрватска поддржува кредибилна политика на проширување и им дава поддршка на сите шест земји од Западен Балкан на нивниот пат кон ЕУ, за нас политиката на проширување е влог во безбедноста и стабилноста на цела ЕУ и Европа, изјави Метелко.

Министрите ќе разговараат и за низа други теми, пред сѐ здравствената криза, но и односите со Обединетото Кралство и владеењето на правото.

Би можело да ве интересира

Лирман: Треба што поскоро да се отворат пристапните преговори за С. Македонија и за Албанија

Ана Ололовска

Лирман во Тирана: Добивме позитивни сигнали од Бугарија, посветени сме на отворање на преговорите

Ана Ололовска

Бомгартнер: Изградба на силна Европа е приоритетот на француското претседавање со Советот на ЕУ

Ана Ололовска

Ескобар: Зборувавме со Франција за С. Македонија што поскоро да ги почне преговорите

Ана Ололовска

Димитров алармира дека по секоја цена ќе се решава спорот со Бугарија: Не му верувам на Бујар Османи

Кристијан Ландов

Анкета на БНТ: Расте бројот на бугарски граѓани кои сметаат дека Македонија треба да стане членка на ЕУ

Ана Ололовска