До крајот на неделата државниот јавен обвинител, Љубомир Јовески, ќе донесе одлука кои предмети во судска постапка ќе ги застапуваат обвинителите кои до вчера беа специјални, дознава „А1он“ од извори во Јавното обвинителство.
Тоа значи дека судењата од следната недела може да продолжат со обвинителите кои ќе бидат определени за да ги застапуваат.
Извори за „А1он“ велат е дека предметите од СЈО пред скопскиот кривичен суд повторно ќе ги застапуваат довчерашните специјални јавни обвинители, од причина што се во фаза на доказна постапка, а некои од предметите се пред изрекување завршни зборови и пресуда.
Се размислува и за опцијата да биде назначен раководител од редот на ексобвинителите од СЈО за предметите што тие ги застапуваат.
Неофицијално, неколку предмети на СЈО можно е да ги застапува скопското јавно Обвинителство. Такви се предметите: „Насилство“, „Тревник“ и „Титаник 3“ , „Toтал“, „Талир 2“ и „Тортура“.
Засега неизвесно е како ќе функционира Обвинителството за гонење организиран криминал и корупција ако предметите и доказниот материјал се во просториите на старото СЈО.
Вчера Советот на јавните обвинители ги врати специјалните обвинители во матичните обвинителства од каде што дошле.