Актуелната пратеничка во Собранието од редовите на СДСМ и поранешна дополнителна заменичка на министерот за внатрешни работи во техничката влада, Славјанка Петровска, вечерва објави дека е позитивна на коронавирусот.
„Денес попладнево ненадејно добив покачена температура и омалаксаност додека бев на седница на Собрание. Попладнево се тестирав и за жал резултатот е позитивен. Изминативе денови имав ограниченo движење и физичко присуство на состаноци, каде постојано носев заштитна маска,“ напиша Петровска на Фејсбук.
„Ги почитував правилата, но очигледно е дека имало момент на невнимание. Ве замолувам бидете внимателни, болниците се преполни, лекарите изморени, а ние сме лесни ранливи. Чувајте се,“ додава таа.