Познати кандидатите на ВМРО-ДПМНЕ за министри и заменици во техничката влада, МВР останува неизвесно

Од:

Рашела Мизрахи е предлогот на ВМРО-ДПМНЕ за технички министер за труд и социјална политика, a Цветан Трипуновски е предлог за нов заменик министер за земјоделство. За нов заменик министер за финансии ќе биде предложена Гордана Димитриеска Кочоска, a за нов заменик министер за информатичко општество и администрација e предложена актуелната пратеничка од ВМРО-ДПМНЕ Невенка Стаменковска Стојковски.

Рашела Мизрахи не е партиски кадар. Таа има докторирано на Универзитетот Бар Илан во Израел, каде станува доктор на науки по биохемија. Таа работела како консултант на Глобален Фонд во рамки на програмата за Туберкулоза во Република Македонија, на мониторинг на лабораторија во Израел, како и асистент на катедрата за Физиологија при Универзитетот “Св. Кирил и Методиј”, Скопје.

Трипуновски има работено во Министерство за земјоделство, шумарство и водостопанство како државен советник, а од 2015 до 2017 година ја извршувал функцијата директор на Државниот земјоделски инспекторат. Тој од 2008 година до 2012 година беше пратеник на ВМРО-ДПМНЕ во Собранието, а од 2017 е член на ИК на ВМРО-ДПМНЕ.

Димитриеска Кочоска е магистер по економски науки на Универзитетот „Св. Кирил и Методиј“. Таа била вработена во приватна компанија како финансиски консултант во областа на контролинг и финансии. Претходно работела во Стопанска Банка, во Македонски Телеком, во Министерството за финансии во Секторот за јавен долг, во одреден период е и директор за финансии во ЕЛЕМ, во времето кога со оваа компанија управуваше лидерот на ВМРО-ДПМНЕ Христијан Мицкоски.

Невенка Стаменковска Стојковски работела во Секретаријатот за европски прашања и во Агенцијата за странски инвестиции каде што била координатор на економските промотори, и работела на привлекување странски инвестиции. Таа е магистер по европско право и право на Европска унија.

Се уште е нејасно кој ќе биде технички министер за внатрешни работи, откако СДСМ побара друг предлог наместо полковникот Драган Ковачки.

Од СДСМ остануваат на ставот дека техничкиот премиер Оливер Спасовски нема да го предложи Ковачки за министер за внатрешни работи, но се надеваат дека ќе предложат друг кандидат.

Би можело да ве интересира

ВМРО-ДПМНЕ: Зоран Заев ги корумпира, злоупотребува и врши притисок врз медиумите во Македонија

Анкета на „Рејтинг“: Заев би бил подобар премиер од Мицкоски

Мери Јордановска

Мицкоски: Предложениот закон за ЈО е за амнестија на Заев и за дел од поранешното раковоството на ВМРО-ДПМНЕ

Драган Поповски

ВМРО-ДПМНЕ нема да гласа, власта кубури со мнозинство за законот за Јавното обвинителство

Албанските републиканци бараат преодна влада и предвремени избори

А1он

(ВИДЕО) Манчевски: Кадрите на ВМРО-ДПМНЕ во преодната влада се кадри на Груевски кои се обидуваат да го обноват режимот

Драган Поповски