Повторно спречена појава на град во повеќе региони низ државата

Од:

Управата за хидрометеоролошки работи (УХМР) преку радарските центри Ѓуриште и Тополчани и Аероклуб Скопје вчера од 16:13 часот до 18:43 часот изврши авионско засејување на градоносни и потенцијално градоносни облаци.

Како што соопшти Министертсвото за земјоделство, употребени се 29 палки, секоја со по 400 грама сребро јодит, и на тој начин уште еднаш успешно е спречена појава на град и не е причинета материјална штета на земјоделските посеви.

-Според радарските слики и информациите од нашите земјоделци од терен, засејувањето било успешно. Спречена е појава на град, а со тоа земјоделските посеви остануваат заштитени и без причинета штета. Првото дејствување врз градоносен облак било во периодот од 16:13 до 16:35 часот во јужниот дел на Пелагонија и Ресенско каде е дејствувано со 12 палки сребро јодит, а потоа во реонот на Кратово од 17:16 до 17:43 часот со 11 палки. Во 18:03 часот било дејствувано со авионско засејување на потенцијално градоносен облак североисточно од Свети Николе со три палки и во 18:39 часот во Кочанско, исто така со три палки, информира Министертсвото.

УХМР активно ги мониторира облачностa и движењето на градоносните облаци преку радарските центри Тополчани и Ѓуриште.

-Во целиот процес за заштита од временски непогоди, клучни се радарските системи за добивање на навремени и точни податоци за временската прогноза. Во изминатиот период реновирани се повеќе метеоролошки станици и обновен е и надграден радарскиот систем Ѓуриште, што значително придонесе за точна и прецизна временска прогноза, а современиот начин на дејствување со авионско засејување досега во веколку наврати покажа дека оваа метода е ефикасна заштита. Земјоделските посеви се заштитени, а со тоа е заштитен и трудот на земјоделците, наведува МЗШВ.

Би можело да ве интересира

Хоџа: Помагаме да се откупи што поголемо количество грозје за да го избегнеме најлошото

А1он

ВИДЕО: Жестоко невреме го зафати Јадранот, поплавени приморските градови

Жарко Настоски

ВИДЕО: Бурата „Јанос“ ja однесе плажата „Ерусалим“ на Кефалонија

Жарко Настоски

ВИДЕО: Циклонот беснее во Грција, јахти удираат во карпите

Ана Ололовска

Зголемување на органското производство кај житата, овошките и грозјето, драстичен пад кај индустриските култури

Ана Ололовска

Анкара погодена од песочна бура, шестмина повредени

А1он