Повторно грешка, но сега во снимка од Заев: Наместо пишаното „важи“, останало кажаното „марш“

Од:

На ново креиран „Јутуб“ канал е прикачена снимка со назив „Заев зема рекет од 6 милиони евра!“. Во моментот кога се споменуваат пари, лидерот на СДСМ, Зоран Заев вели „марш“ а во видеото е пишано како „Важи, јас влегувам во оваа работа“, што остава впечаток дека тонскиот запис е монтиран и по грешка е заборавено да се отстрани делот со „марш“ со цел да се прикаже дека Заев земал рекет, како што е насловено. Од снимката може да се слушнат неколку нагли прекини со говорење и нелогично продолжување на речениците.

Во снимката се Заев го споменува и адвокатот Васко Димишков, брат на судијката на претходна постапка во Основниот кривичен суд, Весна Димишкова. Засега нема информација во кој период е направена снимката, како и, кој ја снимил и дистрибуирал.

„Во еден период се појави овој Васко, на Димишкова брат и. Совети ми даде, што да правам, бара пари. Значи и он ќе рече 6 милиони евра, 6 милиони евра. Викам марш, јас влегувам во оваа работа“, се слуша Заев во краткиот монтиран исечок од 12 секунди.

Инаку, адвокатот Димишков беше сведок и во случајот „Рекет“, а неговата сестра му одреди притвор на бизнисменот Орце Камчев за случајот „Империја“ и му го продолжи истиот.

Вчера пак, по грешка во вест на порталот „Република“ беше оставена реченица со инструкција да се објави текст против СДСМ, која подоцна беше избришана. Со латинична поддршка, пред крајот на текстот насловен како „СДСМ во паника: Тргнато видеото на кое се слуша како Заев договара паѓање на судски случај на порталот“ пишуваше: „Направете една вест дека СДСМ во паника го бутна видеото каде се гледа како Заев договара паѓање на судски случај“.

Би можело да ве интересира

Да ја засилиме уште повеќе соработката, се согласија Заев и црногорскиот премиер Кривокапиќ

Жарко Настоски

Заев-Курц: Имаме заедничка обврска да обезбедиме европска иднина за Западен Балкан

Жарко Настоски

Курц по средбата со Заев: Северна Македонија заврши одлична работа на европскиот пат

Жарко Настоски

Заев: Иднината на Европа е со Западен Балкан, а иднината на Западниот Балкан е со Европа

Ана Ололовска

Заев: Во добар амбиент и меѓусебна доверба, лесно се решават дури и големите прашања

Жарко Настоски

(ВИДЕО) Средба Заев-Борисов: Ако не најдеме решение – генерации Бугари и Македонци ќе се мразат едни со други

Ана Ололовска