Поречани блокираа накај Драчево, бараат конечно да се пушти пат од Македонски Брод до Скопје

Од:

Жителите од Поречкиот регион денеска организираа протест изразувајќи незадоволство од повеќедецениското нерешавање на прашањето за изградба на регионален пат меѓу општината Македонски Брод и Скопје.

dobivaj vesti na viber

Тие го блокираа булеварот „Борис Трајковски“, во насока на Драчево и регионалниот пат 1106 во правец на селото Батинци кон шумскиот резерват „Јасен“, како и улицата „Маршал Тито“ во Македонски Брод.

Организатор на протестот беше здружението на граѓани „Поречки средби“, а протестот се одржа согласно донесената одлука на граѓанските здруженија од поречкиот регион и повеќе совети на месните заедници во рамки на општината.

Претседателот на здружението, Горан Ѓуроски истакна дека во повеќе наврати биле доставени дописи до Министерството за транспорт и врски, Владата и до Јавното претпријатие за државни патишта, но оти ништо не е направено.

-Од Скопје до Самоков и многу околни села сè уште се доаѓа само низ резерватот „Јасен“ и тоа само во три термини во лето и два во зима. Траса долга 16,5 километри се вози по необезбеден пат широк само 2,5 метри. Доколку се задоцни за овие термини, тогаш треба да се возат околу 200 километри преку Кичево до Скопје. Ова е вистинска голгота и за оние 800 жители кои секојдневно одат на работа во Скопје, но и за сите жители на овој регион. Во овој крај гравитираат 45 села и шест викенд-населби, вели Ѓуроски.

Жителите најавија дека доколку не се прифати нивното барање, ќе опстојат на претходно донесената одлука за бојкот на претстојните локални избори закажани за октомври оваа година, со што ќе го изразат револтот кон Владата и институциите.

Би можело да ве интересира

Утре во Скопје посебен сообраќаен режим поради посетата на Ана Брнабиќ

На концерт во Скопје петмина приведени, пронајдена дрога

Катерина Павлова-Николовска

Посебен режим на сообраќај утре во Скопје

Викендов трето издание на Скопски градски фестивал

Ана Ололовска

Првомајски работнички протест: Повисоки плати од утре, не сме ви робови седум дена во неделата

Катерина Павлова-Николовска

Приведен разбојник баран со потерница за седумгодишна казна затвор

А1он