Поради ширење порнографски материјали, Телеграм ја затвори „Јавна соба“

Од:

„Телеграм“ ја затвори групата „Јавна соба“ во која илјадници членови од земјава споделуваа експлицитни фотографии и видеа од девојки од Македонија, меѓу кои имаше и малолетнички.

Групата не може да се отвори, бидејќи, како што пишува „истата била користена за порнографски содржини“. Не можат да се видат ниту содржините што ги објавувале членовите на групата.

Неизвесно е дали членовите можат да отворат нова ваква група и дали „Телеграм“ ќе реагира на истиот начин доколку се утврди дека таму се споделуваат содржини, односно видеа и фотографии од девојки, кои не дале дозвола за нивна дистрибуција.

МВР денеска приведе четири лица за овој случај.

Двајца од приведените се од Битола и по едно лице e од Велес и од Штип.

„Се работи на откривање кој ја креирал ваквата група и кои се биле членови. Секој еден кој се наоѓа во групата ќе се истражи и ќе понесе кривична одговорност“, објави министерот Оливер Спасовски.

Попладнево беа уапсени првите две лица, едно од Битола и едно од Велес, а кусо по апсењата „Јавна соба“ почна да се полни со една иста порака во која администраторот ги известува членовите дека е отворена нова група и ги повикува да ми пратат приватна порака за да им ја испрати.

Премиерот Зоран Заев ги повика членовите да излезат од групата оти МВР ќе ги добие податоците и сите ќе бидат обвинети и ќе одговараат за она што го прават. Премиерот рече дека побарале од „Телеграм“ да ја избрише групата „Јавна соба“, а доколку од таму не одговараат на барањето, најави дека ќе ја блокира апликацијата – не поради цензура, туку за заштита на граѓаните.

Би можело да ве интересира

Телеграм оствари профит од над 540 милиони долари

А1он

Поведена истрага против жител на струшко Велешта за детска порнографија

Телеграм ја прилагоди својата политика за приватност за да сподели повеќе податоци со властите

Украина ја забрани употребата на Телеграм на официјалните уреди на службениците

Дуров: Помогнав во борбата против тероризмот во Франција

Шефот на Телеграм Дуров останува во притвор во Франција

Катерина Ѓуровски